Federale - Festival de Jazz de Lugo 2024
Federale é unha formación liderada por Collin Hegna, baixista da popular banda americana The Brian Jonestown Massacre. O seu primeiro disco foi lanzado no 2012; vén de se edita-lo último single, «Heaven Forgive Me», do máis recente, Reverb & Seduction. Se Lee Hazelwood fixera un álbum con Nick Cave e contrataran a Ennio Morricone en calidade de arranxista, con moita probabilidade soaría unha miga a Federale. Cancións escuras, narrativas e cun toque cinematográfico, os arranxos das cales transitan polas paisaxes góticas dos anos 80 e os fenómenos italianos branqueados polo sol. A voz barítono de Collin Hegna, nun canto de serea profundo e meloso, arrástranos a través de bosques de cordas e sintetizadores. Dunha forma desacougante, obríganos a ve-lo que podería suceder a continuación.
Collin Hegna: voz, guitarra
Pat Spurgeon: batería
Victor Franco: guitarra
Megan Diana McGeorge: teclados, sampler, trompa
Ryan Lynn: baixo
| Genero: | |
| Fecha: | 02/11/2024 |
| Discografica: | Casa de Tolos |
| |