Martín Leitón Cuarteto - Jazz Lugo 2024
Santi de la Rubia, saxo
Toni Saigi, piano
Martín Leitón, contrabaixo
Andreu Pitarch, batería
O jazz e o folclore latinoamericano impregnan cada nota que sae do contrabaixo de Martín Leiton. Despois de varios anos de estrada, o músico canario residente en Barcelona continúa a consolidarse co seu quinto traballo discográfico como líder, Caravana. Anteriormente editara Medium (96k Music, 2011), Poetry of Sound (Underpool Records, 2015), Inevitable (Blue Sounds, 2017) e Desde abajo (RASO, 2021).
O cuarteto integrado por Santi de la Rubia (saxo), Toni Saigi (piano), Andreu Pitarch (batería) e o propio Martín Leiton demostra unha vez máis o extraordinario que resulta o seu encontro musical. Inspirado nas meirandes referencias do xénero como Thelonious Monk, Wayne Shorter e Duke Ellington, o último traballo de Martín Leiton mestura estas influencias indiscutibles coa música latinoamericana e os ritmos e melodías Gnawa e Tuareg. Un sinal máis da súa personalidade e poder creativo.
| Genero: | |
| Fecha: | 15/11/2024 |
| Discografica: | Casa de Tolos |
| Festival: | Festival de Jazz de Lugo |